Zv.kryeministri dhe njëkohësisht ministri i Brendshëm italian, Matteo Salvini i është rikthyer deklaratave të tij raciste kundër shqiptarëve. Kësaj here ai reagoi në lidhje me një tentative për grabitje ku mbeti i vrarë shqiptari, Eduart Kozi.
Përmes një postimi në Twitter, Salvini shkruan se karabinierët që e qëlluan, teksa shqiptari po tentonte të kryente një grabitje, nuk meritojnë të hetohen, por u takon një medalje.
“Karabinierët dhe roja e sigurisë, që rrezikuan jetën e tyre, bënë vetëm detyrën e tyre: nuk meritojnë një hetim, por një medalje,” shkruan Salvini.
Vrasja e shqiptarit Eduard Kozi ndodhi dy ditë më parë, kur ai po tentonte të grabiste një dyqan cigaresh. Lidhur me këtë ngjarje, prokuroria italiane ka nisur një hetim nëse janë tejkaluar apo jo kompetencat nga ana e karabinierëve.
©ArgjiroLajm.net
