BBC ka listuar disa femra të fuqishme në sferën e muzikës në mesin e të cilave është edhe Dua Lipa.
“Ajo ka bërë një fjalim të mrekullueshëm, të fuqishëm në BRIT Awards. Ajo është shumë e re dhe shumë e guximshme. Njihet në gjithë botën dhe inspiron shumë të rinj. Ylli i popit ka etikë të fuqishme të punës, vlera femërore dhe një ndikim të madh te femrat. Ajo ishte femra më e ndjekur e vitit 2017 në Spotify dhe u bë femra e parë që u nominua për çmimin BRIT Awards”, ka shkruar BBC.
Ndërkaq, Dua Lipa për këtë vlerësim të BBC-së ka shkruar: “Është nder të jesh në listën e fuqishme të BBC, në mesin e femrave më të talentuara dhe të mrekullueshme të muzikës. Faleminderit shumë për vlerësimin, është ndjenjë e mrekullueshme të jem pjesë e kësaj”.
