Prindërit dhe nxënësit që protesuan sot për shkollën që u mbyll në Mengël të Elbasanit vendosën të lironin rrugën Elbasan-Librazhd duke njoftuar se do të protestonin sërish të mërkurën.
Më herët gjatë ditës, radhë të gjata me makina dhe drejtues të zemëruar nga vonesa u krijuan në këtë aks për disa orë.
Zyrtarët thonë se godina e shkollës është e rrezikshme pasi ka pësuar dëme nga tërmeti i vitit të kaluar. Por megjithëse u është ofruar transporti falas për të ndjekur shkollën në Elbasan, prindërit nuk e pranojnë këtë zgjidhje. Që kur nisi ky vit shkollor, nxënësit me çanta në shpinë mblidhen para shkollës, ku madje prindërit e tyre hapën me forcë dyert e ndërtesës pak ditë më parë.
