Mbretëresha Elizabeth II prej disa dekadash ka zotëruar teknikën e përshendetjes me dorë, ashtu siç i ka hije një mbretëreshe. Por a lodhet ndonjëherë dora e mbretëreshës? Sigurisht që po, por ajo nuk e lë kurrë pas dore përshendetjen e saj mbretërore. Sipas lajmeve 92 – vjeçarja përdor një dorë false që të kryejë detyrimin përshendetës.
Sipas revistës “People” princesha Anne, vajza e Mbretëreshës, i tregoi shkrimtarit Robert Hardman në librin e tij “Mbretëresha e Botës”, se një grup studentësh australianë dikur i kishin dhënë monarkes një makineri në formë dore të rreme.
“Ata i dhuruan asaj një dorezë të mbushur me një levë druri që kur e tërhiqje fundin e levës ajo lëvizte si dora e vërtetë e Mbretëreshës. Unë mendoj se ata e dhuruan si diçka të pacipë dhe tallëse, por Madhëria e saj ishte e kënaqur me këtë dhuratë” – tregonte Anne.
Princesha Anne nuk zbuloi nëse Mbretëresha e ka përdorur ndonjëherë këtë makinë, por sipas ekspertes mbretërore Victoria Arbiter në vitin 2012 Mbretëresha e ka lëvizur dorën ndryshe nga herët e tjera.
“Është një dorë vertikale me një kthesë të vogël nga kyçi i dorës, një çështje e stilit të lartë, por nuk bie shumë në sy” – tha Arbiter.
Gjithashtu Princesha Anne tha se ajo ka një zgjidhje tjetër që të mos i lodhet dora, ajo thjesht i shmang lëvizjet si lëkundja e dorës.
https://www.youtube.com/watch?v=WX07FySDRpE
