Nënkomisari Emiljano Nuhu, ka folur sot për Neës24 pas deklaratave dhe akuzave të policisë lidhur me rolin e tij në këtë çështje. Emiljano Nuhu shpjegoi në emisionin “Kjo Javë” se në datat 21 dhe 27 korrik ishte në komisariatin e policsë së Krujës, por pamjet nuk publikohen sepse nuk po gjendet një laborator për të modifikuar videon e kamerave të sigurisë.
Pjesë nga intervista
Si i keni ndjekur zhvillimet?
I kam ndjekur të gjitha zhvillimet, po tentohet të manipulohen të gjitha ato që kam thënë unë.
Ju nuk rezultoni në detyrë në 21 korrik?
Në këtë datë i qëndroj atyre që kam thënë, por drejtoresha e SHÇBA nuk ka gjetur laborator për të modifikuar videot prandaj nuk i publikon.
Keni prova?
Kam prova por vetëm në gjykatë do t'i publikoj dhe do të vërtetohen që njerëzit që kam thënë kanë qenë aty.
