Shumë është shkruar për atë se si të vërehet mashkulli tradhtar. Dhe, të jemi të sinqertë, meshkujt tradhtarë dallohen mjaft kollaj. Por, si mund ta kuptoni kur një femër është duke e tradhtuar partnerin?
Shenjat zakonisht janë më diskrete dhe të rrënjosura në një nevojë për të ndryshuar brenda lidhjes aktuale.
Ndonëse meshkujt tradhtojnë për shkak të epshit seksual, femrat kanë tendenca të tradhtojnë atëherë kur partneri aktual nuk është duke i trajtuar siç duhet.
Nuk ndalen grindjet
Nëse vëreni se zonja juaj së fundmi ka filluar të grindet më shpesh me ju, atëherë kjo mund të jetë shenjë se është duke ju tradhtuar. Ka shumë arsye se përse ajo mund të veprojë kështu, duke përfshirë arsyen se mund ta bëjë këtë thjesht për ta përfunduar lidhjen, dëshiron ta ndryshojë lidhjen në mënyrë që ta jap maksimumin e saj për këtë lidhje, ose thjesht është e frustruar nga tradhtia.
Është shfaqur “një shoqe” e re në skenë
Keni vërejtur se partnerja së fundmi ka filluar të del shpesh me një shoqe të re? Nëse kjo shoqe është shfaqur papritmas dhe e dashura juaj nuk mund të ndalet së shkëmbyeri mesazhe dhe duke dalë me të, atëherë ‘shoqja’ mund të jetë personi me të cilin po ju tradhton.
Është fiksuar pas orarit tuaj
A ka filluar e dashura juaj së fundmi të shfaq interes në aktivitetet ditore që i keni? Mund t’ju duket si asgjë, por njëkohësisht mund të jetë shenjë se ajo është duke u përpjekur ta gjejë hapësirën e përshtatshme për t’u takuar me partnerin e ri.
Një varësi e papritur me telefonin e saj
Nëse keni vërejtur se partnerja më nuk e lë telefonin e saj në çdo vend të shtëpisë dhe vazhdimisht i kushton kujdes, atëherë ajo mund të jetë duke fshehur diçka.
Seksi po shuhet…
Nëse partnerja ka humbur krejtësisht interesin seksual për ju, pa pasur ndonjë arsye për ta shpjeguar, atëherë ajo thjesht nuk e imagjinon më veten duke bërë seks me ty, por vetëm me tjetrin. /Telegrafi/
