Sesioni i ri parlamentar ka nisur tashme, por mesa duket jo për Partinë Demokratike. Kjo e fundit do të vijojë bojkotimin e parlamentit edhe këtë të enjte ashtu si herët e kaluara.
Pas Shkodrës, Durrësit dhe Elbasanit, opozita e bashkuar do të mblidhet këtë të enjte në Vlorë, si mesazh rezistencës së bashkëqeverisjes me krimin, ndërsa vendimi pritet te merret ne mbledhjen e grupit parlamentar te Partisë Demokratike.
Opozita e bashkuar ka bojkotuar seancat plenare të këtij sesioni të ri parlamentar. Kryedemokrati Basha ka deklaruar se çlirimi i qeverisë nga krimi do të jetë prioritet i opozitës në këtë sesion të ri të parlamentar.
