Donald Lu deklaroi mbrëmjen e sotme se rasti i Saimir Tahirit duhet të gjykohet nga një gjykatës që ka kaluar vettingun dhe ndaj të cilit nuk ushtrohet presion politik.
Sipas ambasadorit amerikan, provat e dala në media për iplikimin e dyshuar të ish-ministrit në trafikun e drogës, janë tepër të rënda për tu anashkaluar nga forca e politikës.
"Rasti Tahiri? Qeveria e SHBA beson se kjo çështje është mjaftueshëm e rëndësishme sa meriton të vendoset në gjykatë nga një gjykatës që ka kaluar vetingun, sipas provave, dhe jo sipas presionit politik." - u shpreh Donald Lu në emisionin "Real Story".
Ambasadori amerikan në ikje foli dhe për kanabizimin e vendit duke theksuar se mbjellja e lëndëve narkotike në Shqipëri është bërë më “bekimin” e politikanëve.
“Ajo që nuk është përfunduar është kapja e njerëzve që mbollën kanabisin. Dhe unë mund të them se disa prej tyre janë kriminelë të zakonshëm, disa prej tyre janë kriminelë të mbrojtur nga politika.” - u shpreh Donald Lu.
