Kampionia e ciklizmit në pistë, Kristina Vogel, nuk do të ecë më kurrëm por nuk heq dorë nga pasioni për të bërë sport: "Jam si një fëmijë i sapolindur, duhet të mësoj gjithcka. Por dua të kthehem të jetoj. Dua të bëj sport". Kampionia olimpike gjermane, në konferencën e parë për shtyp që kur mbeti e paralizuar si pasojë e një aksidenti gjatë stërvitjes tregon karakterin e fortë.
"Ndihem si një fëmijë i sapo lindur, që duhet ti mësojë gjërat ngadalë: duhet të mësoj të lëviz, duhet të mësoj të ulem... Dua të bëj më të mirën e mundshme në këtë situatë. Të pyes veten 'përsé pikërisht unë' nuk më con askund", deklaroi Vogel.
