Në Spanjë duket se të gjithë tentojnë të mashtrojnë nga pak, vetëm se në fund nuk ia dalin. Pas Lionel Messi, Cristiano Ronaldo e rastit më të fundit Jose Mourinho, është rradha e brazilianit Marcelo: sipas asaj që bën të ditur shtypi spanjoll, në fakt, mbrojtësi i Real Madrid ka rënë dakord me autoritetet spanjolle, duke pranuar mashtrimin fiskal për të cilin akuzohej, duke evituar të përfundonte në proces.
Mbrojtësi i majtë ka pranuar një dënim (me kusht) prej katër muajsh burg - që nuk do të kryejë - kështu do të paguajë një gjobë madhështore prej 753.624,90 eurosh. Marcelo, bën të ditur e përditshmja El Mundo, ka përfunduar mëngjesin e sotëm në gjykatë për të konkretizuar akordin e për të mbyllur cështjen fiskale të vitit 2013.
