Rozana Radi po përfiton nga ditët e fundit të pushimeve, për të vizituar Kaprin, përpara se të nisë sezoni i ri televiziv, ku do të rikthehet me “Boom” në “Ora News”.
Ndër postimet e publikuara në profilin e saj në “Instagram”, në njërën nga fotot, këngëtarja pozonte përpara dyqanit të “Dolce& Gabbana”, e veshur me të bardha.
“Kapri nuk është Kapri pa D&G”, – shkruan në foton e publikuar Rozana Radi, krahas së cilës etiketon edhe stilistin e njohur Stefanno Gabanna.
Mirëpo postimi i ka rënë në sy edhe stilistit të njohur Italian, i cili ka vendosur jo vetëm ta publikojë në profilin e tij, por edhe t’i shkruajë artistes shqiptare.
“Nuk ndodh përditë të të dërgojë një zemër Stefano Gabbana”, – shkruan Rozana Radi në postimin në”Instastory”, ku shfaq përshëndetjen e stilistit të famshëm.
