Pas vetëm një viti në Londër ka ardhur momenti që Lacazette të largohet nga Premier League. Të paktën kjo është ajo që referojnë Le10Sport. Sulmuesi i Topcinjve po mendon seriozisht ti kërkojë shoqërisë shitjen, duke qenë se Emery është i tentuar të përdorë skemën 4-2-3-1. Ky është varianti i preferuar i spanjollit, por që tek Arsenal krijon një problem të madh. Me vetëm një sulmues, përvec Aubameyang nuk ka vend për askend e ky dualizëm mund ti krijojë probleme teknikut.
Sipas asaj që bëjnë të ditur në Francë, është mundësia që sulmuesi ti kërkojë londinezëve të shitet në orët e fundit të merkatos. Ka kohë ende deri në 31 e pretendentët për francezin nuk mungojnë. Duke filluar nga Ligue 1, kampionat ku shpërtheu me fanellën e Lyon, që mund ta mirëpresë Lacazette. Vetëm se për tu larguar nga Emirates, duhet të vijë një ofertë e rëndësishme për Arsenal, duke qenë se e ka paguar 53 milionë euro.
