Është përfolur për një projekt të ri mes aktorit të humorit Ermal Mamaqi dhe këngëtares Elvana Gjata. Xing.al ka zbuluar se do të jetë pikërisht një film, ku të dy do të interpretojnë së bashku dhe që do të jepet në kinematë e Shqipërisë, Kosovës dhe Maqedonisë në muajin dhjetor. Filmi do të jetë i zhanrit komedi dhe do të titullohet “Dy gisht mjaltë”. Ermali ka treguar për Xing.al se filmi flet për një çift me të ardhura mesatare, të cilët bëjnë një dasmë dhe një muaj mjalti që nuk iu shkon aspak mirë.
“Filmi prodhohet nga Kompania ‘Mamaqi Production’ në bashkëpunim me Elvana Gjatën. Ideja e këtij filmi lindi pikërisht nga Elvana, si një dëshirë për të pasur një film të dy. Menjëherë, po atë natë, jam ulur të shkruaj pikat e para të skenarit që ka filmi”, -ka zbuluar Ermali.
Videoja e Elvanës, që Ermali ka publikuar para pak ditësh, e veshur nuse ka të bëjë pikërisht me rolin në këtë film.
https://www.youtube.com/watch?v=jEwNydPXD3c
