Duke filluar prej ditës së nesërme, Dua Lipa do të ngjitet në skenën e “Sunny Hill” së bashku me këngëtarë të tjerë.
Por përveç argëtimit, që prej fillimit, ky organizim ka pasur një qëllim tjetër. Paratë që do të mblidheshin nga biletat dhe donacionet e tjera, Dua kishte vendosur t’i dhuronte për një kauzë që ajo e ka shumë pranë zemrës: rritjen e cilësisë së mësimit të muzikës në Kosovë. Në Instagramin e saj, Dua ka treguar se janë mbledhur plot 100.000 euro të cilat do të shkojnë për shkollat e muzikës në Kosovë.
