Meghan Markle sapo i la pas rregullat e vendosura nga familja mbretërore. Çifti kanë qenë në “Sentebale Polo Cup”, një garë polo për bamirësi, për të mbledhur fonde për fëmijët e sëmurë me Sidë në Afrikë.
Dukesha e Sussex-it ka qenë ajo që ka dhënë trofeun e fitores kapitenit Nacho Figueras dhe kur është kthyer për të takuar bashkëshortin e saj i ka dhënë një puthje në buzë e cila nuk ka shpëtuar pa u fotografuar. Kjo sjellje e Meghanit është shumë e ngjashme me atë të Princeshës Diana e cila i ndiqte shpesh lojërat e polos së bashkëshortit të saj e madje edhe i ka dhënë një puthje pasionante në buzë për të festuar.
