Aktorja australiane ka rrëfyer sekretin e jetëgjatësisë së një martese të shëndetshme. Nicol Kidman ka treguar se ajo dhe bashkëshorti nuk shkëmbejnë asnjëherë mesazhe me njëri tjetrin.
“Ne flasim gjatë gjithë kohës dhe shihemi në FaceTime, por ne nuk shkëmbejmë sms pasi duket sikur kur komunikon me mesazhe mund të keqkuptohesh gjatë gjithë kohës. Më ka ndodhur teksa kam komunikuar me persona të tjerë nëpërmjet sms-ve dhe më është dashur të rilexoj tekstet për të kuptuar më mirë se ç’ka dashur të thotë. Më pas kam pyetur dikë që kam patur pranë, ‘ mund të ma shpjegosh ç’ka dashur të thotë personi që më ka çuar këtë sms?’ Pra unë nuk e dua këtë gjë mes meje dhe të dashurit tim”- ka thënë ajo.
