Lajmet e bukura në këtë ditë feste nuk kanë mbaruar. Pasi Labinot Gashi lajmëroi të gjithë ndjekësit se do të bëhet baba për herë të parë, një tjetër lajm i bukur vjen nga Kombëtarja. Mbrojtësi i Kombëtares Shqiptare, Andi Lila, do të bëhet baba për herë të dytë.
Në profilin e tij në Instagram, futbollisti, me një foto familjare nga pushimet, ku duket partnerja me barkun e rrumbullakosur, ka uruar të gjithë miqtë virtualë festën: “Gëzuar Bajramin” – shkruan Lila dhe pas kësaj fotoje, të gjithë ndjekësit nisën urimet për fëmijën që do të vijë në jetë së shpejti.
