Pas skandalit të tradhtisë së Tristan ndaj Khloe, familja Kardashian si rrallëherë po tregohet mjaft e rezervuar. Nuk është akoma e qartë nëse Khloe e ka falur apo jo babain e fëmijës së saj. Por më në fund, Kris Jenner ka vendosur t`i japë fund heshtjes dhe të flasë publikisht për Tristan.
“Tristan është i mrekullueshëm, është i mirë… Mendoj se ti thjesht duhet të jesh aty për fëmijën tënd, duhet të ndjekësh rrugën e tyre. Unë nuk gjendem në një situatë të tillë, prandaj besoj shumë te Khloe. Ajo është e zgjuar dhe një vajzë e mrekullueshme, kështu që ka për të rregulluar çdo gjë”, -është shprehur Kris për Us Weekly.
Kris po ashtu ka folur për marrëdhënien e mrekullueshme që ka me të bijën, Khloe. Ajo është shprehur se po pret me padurim që ajo dhe True të kthehen për të jetuar në Los Angeles.
