E gjithë atmosfera që u krijua mbrëmë në sheshin Skënderbej në Tiranë u përçua në të gjitha trojet shqiptare, por edhe më gjerë. Të gjithë fansat e Rita Orës ishin mbledhur në shesh për të dëgjuar hitet e saj, por performanca që i entuziazmoi shqiptarët anekënd botës ishte Vallja e Rugovës, që Rita kërceu në skenë së bashku me grupin e baletit.
Surpriza që Rita u dhuroi bashkatdhetarëve të saj nga sheshi Skënderbej në Prishtinë, me rastin e 10-vjetorit të Pavarësisë së Kosovës, ishte e papritur për të gjithë, ndaj edhe këngëtarja e përsëriti të njëjtën performancë edhe në Tiranë.
Por Vallja e Rugovës, varianti që ka kërcyer Rita në Prishtinë dhe në Tiranë, qenka muzikë e krijuar nga bashkëshorti i Gjyste Vulajt, Sokol Vulaj. Por për këtë fakt, Rita nuk është njohur me të drejtën e autorit.
Sot, nga programi i pasdites në Tv Klan, e ftuar për të rrëfyer projektet e saj muzikore, por edhe detaje nga jeta private, Gjyste Vulaj foli edhe për Rita Orën dhe faktin që për Vallen e Rugovës, ajo nuk e ka respektuar të drejtën e autorit.
Gjyste Vulaj tha në program se do ishte mirë nëse Rita do të kishte pyetur për të drejtën e autorit. Siç shtoi ajo, remiksi i asaj kënge është i punuar vite më parë nga Sokoli, bashkëshorti i saj.
Ndërsa Rudina Magjistari e pyeti për koncertin e këngëtares me origjinë shqiptare, Gjystja tha se Rita ka përdorur në këngën e saj ‘Black Widow’ muzikën që ka krijuar Sokoli.
Pasi Rudina e ka pyetur nëse ka kontaktuar me Ritën për të kërkuar të drejtat, ajo mohoi duke shtuar se ata e kanë lënë me aq dhe ndoshta, këtë gjë as nuk duhet ta kishte thënë në emision live
