Gjatë ditës së djeshme ka qarkulluar në media një lajm, në të cilin përflitej për një lidhje të mundshme mes artistes kosovare, Dua Lipa, me futbollistin e Real Madridit, Marco Asension.
Sipas CNN-it turk, ata të dy kishin kaluar natën së bashku pas përfundimit të ndeshjes finale Real Madrid – Liverpool, të shtunën në mbrëmje. Mirëpo një lajm i tillë rezulton të jetë krejtësisht i pavërtetë dhe këtë gjë e ka hedhur poshtë edhe vetë këngëtarja përmes një statusi të publikuar në rrjetin social "Twitter".
Ajo ka shkruar se nuk e takuar asnjëherë në jetë Marcon, duke ironizuar më pas edhe me faktin se ajo dhe menaxheri i saj janë fansa të Liverpoolit, dhe një gjë e tillë do të ishte e pafalshme për të. “Nuk e kam takuar kurrë Marco Asension dhe është e pamundur të ndodh, sepse agjenti im, i cili është fans i Liverpoolit, nuk do të më falte kurrë”, ka shkruar Lipa në Twitter.
Dua nuk ka qenë shumë e përfolur në media për jetën e saj private, të cilët duket se e ruan me fanatizëm.
