Mbrëmjen e së shtunës ka qenë nata finale e eurovizionit, pas së cilës pati shumë hatërmbetje mes shteteve për mënyrën e vlerësimit të tyre.
Ajo ç’ka na habiti ishte fakti që Italia votoi Shqipërinë me 0 pikë, ndërkohë që kjo e fundit i dha pikët maksimale. Duke qenë se konkurrenti i Italisë ishte me origjinë shqiptare ky vlerësim i jurisë italiane ndaj Shqipërisë ka qenë i papritur. Por Ermal Meta ka vendosur ta shpjegojë këtë gjë nëpërmjet një postimi në Twitter, duke treguar se nuk ka ditur gjë dhe nuk e ka kuptuar këtë vlerësim. “Sinqerisht nuk i kuptoj 12 pikët e jurisë italiane.Unë do t’ja kisha dhënë të gjitha Shqipërisë. Zëri dhe intonacioni i Eugentit është mbreslënës”- ka shkruajtur ai.
