Një frazë e presidentit francez, Emmanuel Macron gjatë vizitës së tij në Sydney të Australisë po bën xhiron e botës. Anglishtja e ka tradhtuar kreun e Elizesë pasi ndërsa falënderonte kryeministrin Malcolm Turnbull i është drejtuar me fjalët: “Faleminderit juve dhe gruas suaj të shijshme për mikpritjen dhe organizimin perfekt të këtij udhëtimi. Faleminderit juve dhe Lucyt, zoti kryeminister”, - tha Macron.
Presidenti francez foli në anglisht dhe ishin të shumtë ata që u shtangën kur dëgjuan fjalën “delicious” (e shijshme). Macron ndoshta është ngatërruar me frëngjishten ku fjala “délicieux” mund të përdoret për të përshkruar një ushqim shumë të shijshëm, por edhe për t’iu referuar diçkaje shumë të mirë, shumë të pëlqyeshme, në kuptimin “e mrekullueshme”.
Macron zgjodhi pra fjalën që ai donte, por jo kuptimin që ai donte të përcillte. Gjithsesi anglishtja e kreut të shtetit francez konsiderohet e shkëlqyer pasi një javë më parë, ai iu drejtua Kongresit amerikan në anglisht ku mori shumë komente pozitive për elokuencën e tij. ©LAPSI.al
https://www.youtube.com/watch?v=EUb0tNuEQHU
