Mbrëmjen e kaluar ishte puntata e radhës e emisionit me fëmijë ‘Në kurthin e Piter Pan’. Përveç fëmijëve dhe të ftuarve, vëmendjen e publikut e tërheq gjithmonë edhe veshja e moderatores Alketa Vejsiu.
Fakti se ajo kishte veshur të njëjtat kominoshe si të javës së kaluar, vetëm se ndryshonte ngjyra e tyre, u përfol mjaft mbrëmjen e kaluar. Mirëpo një detaj tjetër në veshje i shpëtoi gjithkujt. Në fillim të emisionit moderatorja u shfaq me një palë sandale ngjyrë gold, mirëpo pas spotit publicitar, Alketa futet në skenë me një palë këpucë të kuqe.
Sipas ‘Iconstyle’, ky ishte një incident që kishte ndodhur pak para se të fillonte emisioni.
“Para se të fillonte emisioni më humbën këpucët. Dikush mi mori, por fatmirësisht ishte Valbona Selimllari që më erdhi në ndihmë. Bona kishte marrë me vete dy palë këpucë dhe si zemërmirë që është mi dha një palë mua” - tregoi ajo./ Iconstyle
