Një ditë pas deklaratës së Ministrisë së Jashtme ruse, e cila dënonte qëndrimin e kryeministrit Edi Rama për miratimin e shqipes si gjuhë zyrtare në Maqedoni, ka reaguar qeveria shqiptare. Në deklaratën e Ministrisë së Jashtme thuhet ndër të tjera se Shqipëria shpreh keqardhje për keqinterpretimin që Rusia i ka bërë deklaratës përshëndetëse të kryeministrit Rama. Më poshtë reagimi i plotë:
Ministria e Jashtme shpreh keqardhje për keqinterpretimin e deklaratës përshëndetëse të kryeministrit Rama”.
“Ne përgëzojmë miratimin e ligjit pasi ai përmbush një nga angazhimet kyçe që rrjedhin nga Marrëveshja e Ohrit dhe është në frymën e kësaj marrëveshje.
Por ashtu si Rusia dhe ne jemi të jashtëm në diskutimet e brendshme politike në Maqedoni dhe synojmë të mbetemi të tille, por në të njëjtën kohë jemi shumë të interesuar dhe investojmë në harmoninë etnike, stabilitetin dhe pespektivën euro-atlantike të rajonit tonë, Ballkanit Perëndimor”, deklaron Ministria e Jashtme e Shqipërisë.
