Ndërsa opozita e bashkuar ka nisur përgatitjet për protestën kundër qeverisë më 27 janar, ish-nënkryetari i PD-së, Astrit Patozi është skeptik lidhur me shanset që kjo protestë ka për të përmbushur misionin e saj.
Duke folur për RTSH, Patozi u shpreh se nuk dëshiron të dekurajojë askënd. Ai foli sërish kundër Lulzim Bashës, kur u shpreh se ai nuk është në gjendje të ndezë partinë e vet.
“Kjo protestë është e destinuar për të qenë protestë e partive, por gjithsesi s’dua të dekurajoj askënd dhe shpresoj shumë le të shërbejë si shkëndije të ndezë shoqërinë.
Lulzim Basha nuk është në gjendje sot që ndezë partinë e vet, që drejton dhe një njeri që ka vështirësi komunikimi apo për të ruajtur autoritetin brenda shtëpisë së vet e ka të vështirë të jetë i pari i qytetit apo i pari i fshatit”, tha Basha.
Astrit Patozi tha se protestat reale janë ato që shpërthejnë nga revolta qytetare dhe jo ato që mbahen për shkak të partive. ©LAPSI.AL
