Fatmir Tomini 59 vjeç, ka humbur jetën në burgun e Krujës, ku vuante dënimin për vrasje. Zyrtarisht, policia njofton se ngjarja ka ndodhur ditën e djeshme në reanimacionin e spitalit të burgut.
59vjeçari, banues në Tiranë, ishte i dënuar me 17 vite burg, për veprën penale “Vrasja”, dhe vuante dënimin në burgun e Krujës.
Sipas të njëjtave burime, shkak i vdekjes së Tominit mendohet se ka qenë gjendja shëndetësore e tij, pasi ai ka qenë i sëmurë me tumor.
Megjithatë, policia njofton se po punohet për përcaktimin e shkaqeve të vdekjes, ndërsa materialet për rastin u referuan në Prokurorinë e Rrethit Gjyqësor Tiranë, për vlerësim.
