Identifikimi i vajzave dhe grave në rrjetet sociale me buzët që kanë mbushur me silicon, me dekoltetë që fshehin poshtë protezat e gjinjve, me të pasmet e fryra si dikur topat 100, shpesh ka bërë të vërë buzën në gaz shumëkëns. Modele si ato të Grteta Koçit (e para majtas), Sonila Meços (e dyta), avokates Arlinda Çapi (e treta) apo të famshmes Aurela Hoxha po kopjohen gjithnjë e më shumë nga gra të panjohura dhe nga adoleshente që sapo kanë shkëmbyer puthjen e parë. Dhe në pamundësi si modelet e tyre për ti shfaqur mrekullitë e kirurgjisë plastike në ekrane një pjesë e madhe e kolonisë së seksit të dobët i demostrojnë ndryshimet e tyre fizike në facebook dhe instagram.
Pikërisht kjo e ka bërë feministen e njohur Sevim Arbana të lëshojë një thirrje kontraverse: “Si feministe qe jam, do te ndërmarr nje hap drastik në fb :) :)
Te gjitha femrat që pozojnë me buzët si viç perpara, jo ashtu siç ua ka bere nena e babai, shkenca e hatashme me ermin gjenetike, do t'i zhduk nga miqesia”
Znj Arabana e ka bërë këtë thirrje dëshpërimi sepse ajo pretendon se miqësia me këto lloj grash nuk është azgjë më shumë sesa fyçkëllëk. Sipas konceptit të saj prej militante të pastër të feminizmit bukuria e “seksit të dobët” nuk varet nga buzët, gjoksi dhe B, por nga truri dhe shpirti.
Nuk dihet sesa do jetë dakord me këtë idenë e fundit pjesa mashkurllore e miqve të Sevim Arbanës në Facebook, por thirrja e saj për të fshirë nga rjetet sociale imazhet e rreme plot silicon nuk është një nismë që nuk duhet marrë parasysh si e vetmja armë për të luftuar kundër modelit të të shikuarit të vajzave dhe grave thjeshtë si objekt.
©Lapsi.al
