Një aksident i frikshëm ka ndodhur pasditen e sotme pranë fshatit Nikel në aksin rrugor Fushë Krujë-Tiranë.
Sipas dëshmitarëve në vendngjarje për JOQ.al, një person, identiteti i të cilit nuk është bërë ende me dije, dyshohet se ka ndërruar jetë nga përplasja e fuqishme.
Një automjet ngjyrë gri ka dalë nga rruga dhe është përplasur me mbrojtëset anësore të rrugës. Mendohet se shoferi i makinës ka ndërruar jetë menjëherë.
Shkaku i përplasjes nuk është bërë ende me dije nga burime zyrtare. Grupi hetimor po punon për zbardhjen e rrethanave të aksidentit.
