Pas 2 ditë ndjekje u kap në brigjet e Malit të Zi gomonia që tentoi të ngarkohej me kanabis në ishullin e Sazanit. Gomonia arriti t’u shpëtonte ndjekjes nga policia kufitare shqiptare dhe Guardia di Financa.
3 persona ndodheshin në bordin e saj të gjithë me shtetësi malazeze. Gomonia u ndoq nga një helikopter ‘Cougar’ i ushtrisë në det të hapur.
Fotot e shkrepura nga helikopteri treguan 3 persona dhe disa bidona plastikë të cilët dyshohet se kanë qenë të mbushur me karburant ndërsa lënda narkotike do të merrej në Sazan me qëllim trafikimin në drejtim të Italisë.
