Një ngjarje fatale është shënuar mbrëmjen e kaluar në Itali, ku një grua shqiptare është përplasur për vdekje nga një makinë. Mediat fqinje raportojnë se ka mbetur viktimë 77-vjeçarja Gjyle Mina, me origjinë shqiptare, e cila jetonte prej vitesh në Vittorio Veneto. Incidenti ndodhi rreth orës 20:00 të mbrëmjes që lamë pas, ku makina e drejtuar nga një 54-vjeçar ka përplasur për vdekje shqiptaren, teksa po kalonte rrugën.
Goditja ka qenë e fuqishme, ku e moshuara ka përplasur kokën te xhami i makinës dhe më pas ka rënë mbi asfalt e vdekur. Policia ka mbërritur menjëherë në vendngjarje, ku ka ndaluar shoferin italian, si dhe po heton për të zbardhur shkaqet e aksidentit.
