Ministrja serbe e Drejtësisë, Nela Kuburevic, në një intervistë për gazetën “Blic” më 2 janar 2018 ka folur edhe për ekstradimin e shqiptarit Ballist Morina, i cili mbahet në Kroaci.
Kuburevic tha se tani për tani nuk ka informacione nëse dhe kur, homologu i saj kroat do të marrë një vendim përfundimtar për ekstradimin e Ismal Morinës apo as nëse Kroacia do ta japë apo jo, pëlqimin për ekstradimin.
Por, duke vënë në dukje se nuk ka një afat në të cilin Ministri i Drejtësisë duhet të veprojë pas një vendimi të formës së prerë në kushtet për ekstradim, Kuburevic tha se ajo beson se në çdo rast kjo duhet të ndodhë brenda një viti që nga paraburgimi i personit.
Morina është në paraburgim në Dubrovnik që nga qershori 2017 kur u arrestua pas një urdhër-arresti serb për shkak të hetimit të zhvilluar në Beograd lidhur me ndeshjen Serbi-Shqipëri në nëntor 2014; Morina shkaktoi incident me flamurin e Shqipërisë së Madhe, që e valëviti me dron mbi stadium gjatë ndeshjes; ai akuzohet se ka kryer një vepër penale të lidhur me urrejtjen racore, fetare dhe kombëtare.
