Ditën e nesërme, më 1 janar, do të merret në pyetje 26-vjeçari Gianluca Mazzarelli, i cili mbrëmjen e djeshme rrëfeu vrasjen e shqiptarit 31-vjeçar, Ervin Tola.
Ai e goditi me thikë në gjoks pranë bar ‘Oldtimer’ në rrugën ‘IV Novembre’. Vrasja ishte momenti kulmor i një sherri të dhunshëm.
26-vjeçari puljez gjendet në qeli në Novate, ku do të merret në pyetje nga prokurori Emilio Pisante bashkë me gjyqtarin për hetimet paraprake.
Kufoma e Tolës do t’i nënshtrohet autopsisë në orët e ardhshme.
Hetuesit do të përpiqen të zbardhin në detaje ngjarjen, për të mësuar të gjitha shkaqet e saj dhe përfshirjen e mundshme të personave të tjerë në krim.
