Rreth mesditës trupi i pajetë i Florenc Beqiraj mbërriti pranë familjes në qytetin e Shkodrës. Ishin të shumtë banorët që e pritën mes lotësh, ndërsa familjarët humbën edhe ndjenjat.
Në një prononcim për mediat babai i tij, Gëzim Beqiraj u shpreh se nuk ka firmosur kurrsesi që djalit ti hiqeshin tubat në spital.
“Unë nuk kam firmosur kurrë që t’i hiqen tubat e oksigjenit djalit. Nuk mund ta mbysja me duart e mija djalin tim. Dua drejtësi. Djali im kishte shenja dhune në trup. Presidentin Meta me premtoi se do e zgjidhte këtë çështje dhe kam besim. Uroj që kjo që i ndodhi djalit tim të mos i ndodhë askujt tjetër në Francë, pasi pashë që kishte shumë shqiptarë të tjerë.”, tha babai i Florencit.
