Presidenti Ilir Meta ka thënë se votimi i Shqipërisë në OKB kundër rezolutës së SHBA-së ishte i papranueshëm.
“Unë mendoj se çdo votim tjetër përveç se atij që ka ndodhur do të ishte shumë më i pranueshëm. Mund të kishim votuar pro rezolutës, të abstenonim ose të mos merrnim pjesë fare në mbledhje. Asnjëherë personalisht nuk kam menduar se mund të ndodhte një votim i tillë”, u shpreh Meta gjatë intervistës në ‘Opinion’.
Presidenti deklaroi se Ministria e Jashtme nuk ishte konsultuar me institucionin e Presidentit për këtë votim dhe as kryeministri Edi Rama s’kishte komunikuar me të. Meta tha se e ka një opinion se përse Shqipëria votoi në këtë mënyrë, por u rezervua ta shprehte.
©LAPSI.al
