Pas miratimit të buxhetit të Tiranës me vota të trafikuara nga LSI-ja, kryebashkiaku Erion Veliaj akuzon opozitën si bllokuese. Gjatë një takimi me 24 administratorët e kryeqytetit, ku u diskutua për aksionin e pastrimit të Tiranës, ditën e shtunë, Veliaj tha se këshilltarët e djathtë nuk duan që Tirana të ecë përpara, por sipas tij kjo kohë tashmë ka marrë fund.
“Buxhetin që kaluam dje dhe dua të falenderoj të 32 këshilltarët. Sekretariati ishte ketu, firmat u hodhën dhe ata që nuk ishin këtu dhe që në imagjinatën e tyre do të donin që të mos kishte shumicë për progresin e qytetit më vjen keq që zhgënjyen”, tha Veliaj.
