Stephen Kinnock është një deputet laburist në Britaninë e Madhe. Ai fitoi në zgjedhjet e vitit 2015 në zonën e tij në Aberavon. Ai është martuar me ish-kryeministren e Danimarkës Helle Thorning-Schmidt e cila ka mbajtur këtë detyrë nga viti 2011 në 2015-ën.
Një dokumentar i BBC ka bërë shumë bujë në Britani pasi është transmetuar edhe një moment pikant kur po numëroheshin votat dhe rezultati nuk ishte ende i qartë. Kinnock do të jepte një intervistë për BBC, por gruaja e tij ka ndërhyrë duke i pëshpëritur se çfarë duhet të thoshte.
Mikrofonët kanë qenë të ndezur dhe çdo gjë është regjistruar. Thorning-Schmidt e pyet me ton: “Pse po e bën këtë tani? Pse? Çfarë do të thuash?" Kinnock i përgjigjet: “Umm… Nuk e di!” Ai e pyet nëse duhet ta anulojë intervistën. “Po. Duhet të presësh” – e mëson ajo. “Ti nuk di asgjë tani. Duket se kemi marrë një rezultat të mirë këtu që është e mrekullueshme. Thuaj vetëm këtë: “Më duket se këtu votimi po mbyllet. Shpresoj që shumë të rinj të kenë ardhur për të votuar. Shpresoj që kjo të jetë një shans i ri për Laburistët”. Thuaj edhe që “ne kelmoi luftuar për një fushatë pozitive”. Mbaje te fushata. Thuaj fjalë të thjeshta” – e mëson gruaja deputetin e ardhshëm.
Ai ka miratuar me kokë dhe më pas ka dhënë intervistën. Dokumentari i BBC me titull: “Laburistët, vera që ndryshoi gjithçka” ka shkaktuar mjaft polemika edhe për shkak të këtij momenti. ©LAPSI.al
