“Për momentin nuk mund të flasë për çështjen”. Ky është reagimi i vetëm deri më tani i Saimir Tahirit pas arrestimit në Elbasan të 25-vjeçarit O. Sota. Atij iu gjetën në makinë rreth 860 mijë euro cash, si dhe patenta për drejtim të mjeteve lundruese në emër të ish-ministrit të Brendshëm dhe bashkëshortes së tij. Heshtja e Saimir Tahirit, e rëndon më shumë pozitën e ish-ministrit të Brendshëm.
Sota ka thënë në polici se paratë i kishte me vete pasi do të blente hekur te kompania ‘Kurum’. Nuk është e besueshme gjithashtu as dekarata e tij se nuk e njeh Saimir Tahirin, ndërkohë në sistemin TIMS figuron se ata kanë udhëtuar disa herë së bashku me njëri-tjetrin jashtë shtetit.
Sidoqoftë duhen pritur hetimet e Prokurorisë. Sota figuron në Qendrën Kombëtare të Biznesit të ketë në pronësi kompaninë “Eco construction and partners”, e regjistruar në vitin 2015, e cila ka rikonstruktuar komisariatin Nr.6 të policisë. Është komisariati që mbulon zonën e ‘Kombinatit’, zonën elektorale të Saimir Tahirit.
©LAPSI.al
