15 të tjerë mbetën të plagosur rëndë, por atentatori 29-vjeçar nuk ndaloi me kaq. Pasi kamioni i tij çau mes turmës së njerëzve dhe goditi një furgon shkolle, ai doli në rrugë dhe me automatik në dorë kërcënoi kalimtarët aty pranë duke thirrur “Allah Akbar”.
Vetëm pak pasi doli nga kamioni me të cilin sapo kishte shkaktuar një tragjedi, agjentët specialë iu afruan dhe njëri prej tyre e qëlloi në këmbë duke e çarmatosur dhe shtrirë përtokë. Autori, identiteti i të cilit nuk bëhet i ditur ende, është shtruar në spital jashtë rrezikut për jetën.
Pista kryesore ku po zhvillohen hetimet lidhet me terrorizmin. Kryebashkiaku i New Yorkut, Bill De Blasio, është i bindur se i të tillë karakteri ishte ky sulm.
“Është një akt i qartë terrorizmi që kishte si synim të vriste të pafajshëm” – u shpreh De Blasio përpara mediave.
Për ngjarjen reagoi dhe presidenti Donald Trump. Ai e cilëson autorin si një të sëmurë dhe thekson se këto ngjarjen nuk mund të ndodhin në SHBA.
Raportohet se autori ka qëlluar edhe me armë, por autoritetet ende nuk e kanë konfirmuar këtë fakt. Autori flitet se është me prejardhje lindore, por mësohet se banon në Florida.
Ky është sulmi i dytë që kryhet në Shtetet e Bashkuara të Amerikës brenda muajit tetor. Me datë 1, 64-vjeçari Stephen Paddock qëlloi mbi 20 mijë veta që po ndiqnin një koncert kauntri në Las Vegas, duke lënë 59 persona të vdekur dhe duke plagosur qindra të tjerë. ©LAPSI.AL
BREAKING VIDEO: Shooting/car ramming incident Manhattan, multiple injured. Warning Graphic content pic.twitter.com/s6sELaTU2P
— News_Executive (@News_Executive) October 31, 2017
