Ishte 2 tetor 1991. Pas 45 vitesh në Tiranë hapej Ambasada e Shteteve të Bashkuara të Amerikës. Fotot nga ky moment i 25 viteve më parë janë publikuar nga historiani Kastriot Dervishi. Sipas tij ceremonia e ngritjes së flamurit në ambasadën amerikane në Tiranë pas 45 vjetësh shënoi hapjen zyrtare të kësaj ambasade.
“Në foto duket i ngarkuari me punë i asaj kohe Kris Hill dhe zonja Adam, bashkëshortja e Loni Adamit i cili vdiq gjatë torturave në hetuesinë komuniste në vitin 1947. Zonja Adam ishte e vetmja që jetonte nga personat që patën marrë pjesë në uljen zyrtare të flamurit në vitin 1946” – shkruan Dervishi.
Këto ditë në Tiranë ka mbërritur diplomati Hill i cili është pritur me nderime nuga autoritetet më të larta shtetërore. /lapsi.al/
